Наведвальнікам выставы прапануецца цікавае гістарычнае падарожжа ў жыццё школьнікаў у даўнейшыя часы. Унікальныя дакументы выставы складаюць пасведчанні аб заканчэнні школы, атэстаты сталасці, ведамасці, пахвальныя граматы, сшыткі, фотаздымкі. Яны ахопліваюць цэлае стагоддзе і даюць выразнае ўяўленне пра змены, якія адбываліся ў краіне з канца ХІХ-ага стагоддзя, сведчаць пра змяненні правапісу, гербаў на пячатках, сістэмы адзнак і нават зместу задачак па матэматыцы.
На выставе сённяшніх вучняў чакае шмат новага і цікавага, яны пашыраць свой кругагляд, даведаюцца пра старыя школьныя рэчы, убачаць, якія захапленні былі ў тагачасных школьнікаў – збор марак, значкоў, паштовак, стануць удзельнікамі беларускіх дзіцячых гульняў, а дарослыя змогуць на пэўны час вярнуцца ў шчаслівае маленства, яшчэ раз закружыцца ў коле школьных дзён.
|