У рамках Года навукі рабочая група па стварэнні Бярэзінскага раённага гісторыка-краязнаўчага музея займаецца падрыхтоўкай выставы “На вяршынях навуковага Алімпу”. На ёй плануецца расказаць пра знакамітых людзей Бярэзіншчыны, якія дасягнулі высокіх вынікаў у навуцы, абаранілі кандыдацкія і доктарскія дысертацыі, атрымалі ганаровыя званні і займаюць адказныя пасады ў прэстыжных ВНУ нашай краіны, а таксама прадставіць экспанаты з музейнага фонду, прадметы з сямейных архіваў вядомых людзей. На сённяшні дзень вядуцца перамовы аб супрацоўніцтве з навукоўцамі-землякамі, іх сем’ямі, удакладняюцца звесткі раённай кнігі “Памяць”. Магчыма, Ваша інфармацыя будзе карыснай для адкрыцця новых імёнаў малавядомых землякоў-навукоўцаў. Тады тэлефануйце 5 74 39 альбо пішыце на наш адрас: г.Беразіно, вул. Маладзёжная, 5, паштовую скрыню: muzei-berazino@yandex.ru